Beth yw Llanw?

Gwŷl er mwyn dod â Christnogion led-led Cymru at ei gilydd er mwyn dathlu a dyfnhau ein perthynas gyda’r Duw byw yw Llanw. Fe fydd yna gyfle i gymdeithasu, i ddysgu ac i addoli gyda’n cyd-Gristnogion. Mae’r wŷl ar gyfer pawb sydd rhwng 9 awr a 900 mlwydd oed, does dim esgus dros beidio dod! Dewch i fwynhau!

Lle? Pryd? I bwy?

Cynhelir Llanw 14 yn Nibych y Pysgod yn Sir Benfro rhwng 21-25 Ebrill 2014. Mae croeso i bawb! Plant, teuluoedd, myfyrwyr, parau a phobl sengl o bob oed! Mae croeso cynnes i’r di-Gymraeg ac i ddysgwyr; bydd offer cyfieithu ar gael.

Plant a Ieuenctid

Mi fydd darpariaeth lawn ar gyfer y plant gydol yr wythnos, clybiau yn ystod y gwasanaethau a rhyddid i fwynhau gweithgareddau’r ganolfan wyliau, fel y pyllau nofio a’r bowlio deg, yn y prhynhawn. Bydd yn wŷl deuluol ar gyfer holl deulu Crist. Gall unigolyn rhwng 14 a 17 mlwydd oed fynychu’r wŷl heb eu rhieni os yw Capel neu Warchodwr yn gyfrifol amdano.

Llanw 14

Dyddiadau Llanw 2014 yw 21-25 Ebrill a’r lleoliad unwaith eto fydd Dinbych y Pysgod, Sir Benfro.
Lleoliad y gwasanaethau, seminarau a gwaith plant a ieunctid: Ysgol Greenhill – Dinbych y Pysgod

Beth sy’n digwydd yn Llanw?
Cynhelir oedfa bob bore a phob nos, ac fe fydd cyfle i fanteisio ar gyfleusterau Canolfan Kiln Park Dinbych y Pysgod, yn ystod y dydd, mynychu seminarau neu i fynd am dro i ymweld â llwybrau a phentrefi prydferth Sir Benfro. Wedi oedfa’r nos bydd cyfle i ymuno mewn gweithgareddau anffurfiol pellach neu gyfle i ymlacio a chymdeithasu dros baned o de. Eleni, unwaith eto fe fydd yr ŵyl yn cael ei chynnal yn Ysgol Greenhill ac yng Nghanolfan Wyliau Kiln Park, Dinbych y Pysgod. Mae amrediad o gartrefi gwyliau ar gael ac mae’r pecynnau i gyd yn hunan arlwyol er mwyn cadw’r prisiau i lawr. Am fwy o fanylion am y llety cliciwch yma (dolen i’r dudalen Llety ac archebu). Fel arall mae yna groeso i chi ymuno gyda ni a threfnu llety eich hunain, gofynnwn i chi’n garedig i archebu eich tocynnau i ddod i’r Ŵyl o flaen llaw i ni allu darparu ar eich cyfer, i archebu eich tocynnau cliciwch yma. (link i’r dudalen Llety ac archebu). Mae yna groeso mawr hefyd i ymwelwyr dyddiol.

Plant ac Ieuenctid?
Mi fydd darpariaeth lawn ar gyfer y plant a’r ieuenctid gydol yr wythnos, clybiau yn ystod y gwasanaethau a rhyddid i fwynhau gweithgareddau’r ganolfan wyliau yn y prynhawn. Bydd yn ŵyl deuluol ar gyfer holl deulu Crist. Gall unigolyn rhwng 14 a 17 mlwydd oed fynychu’r ŵyl heb eu rhieni os yw Capel neu Warchodwr yn gyfrifol amdano(i).

Amserlen 2014

Nos Lun 7pm: Oedfa Deuluol yng nghwmni Ian Hughes.
Mae Ian yn Weinidog ar Gapel Seion, Llanelli.

Bore Mawrth 10am: Arwel Jones
Mae Arwel yn Swyddog yng Nghyngor Gwynedd ac yn un o arweinwyr Caersalem, Caernarfon

Nos Fawrth 7pm: Oedfa yng nghwmni Meirion Morris (rhan 1)
Meirion yw Ysgrifennydd Cyffredinol Eglwys Bresbyteraidd Cymru

Bore Mercher 10am: Oedfa yng nghwmni Aneurin Owen
Mae Aneurin yn Weinidog ar eglwysi Bro Aled, Sir Ddinbych

Nos Fercher 7pm: Oedfa yng Nghwmni Meirion Morris (rhan 2)

Bore Iau 10am: Oedfa yng Nghwmni Meirion Morris (rhan 3)

Nos Iau 7pm: Oedfa yng nghwmni Gwilym Jeffs
Mae Gwil yn wreiddiol o’r Wyddgrug ac erbyn hyn yn gweithio yn Ysgol Gynradd Treganna.

Yn dilyn yr oedfaon bore fe fydd grwpiau bach ac yna seminarau ddiwedd prynhawn rhwng 4pm a 5pm. Manylion pellach, am y seminarau, i ddilyn….